Chlousetauchen 2016

Samstag, 3. Dezember 2016.

Samichlaus du liebe Maa,
hesch doch mit üs chli Erbarme gha.

Im Näbu hei sich versammlet 21 Lüt,
doch am Thunersee bim Touchplatz Eden isch dr Näbu wäg wi nüd.

D Evelyne und dr Hanspi hei z Programm präsentiert,
das het aui ganz fescht inspiriert.

Jede hed e Wiehnachtschugle ufe Wäg mitgno,
so dass z Böimli unger Wasser e schöne Schmuck hed übercho.

Bi gueter Sicht und chüelem Nass,
gäbe mir aui so richtig Gas.

Chum usem Wasser hed üs de Samichlaus empfange,
so isch üs z Foto mit ihm nid entgange.

Zrugg ide Chleider, mit Glüewy u Apéro,
simer dusse ums Füür gstande u hei warm becho.

Wi schön ahschliessend es Fondue z gniesse,
mit aune z philosophiere, u so dä gmüetlech Abe abschliesse.

Chömet doch nächschts Jahr wider verbii,
bim Chlousetouche isch immer Spass debii.

Text: Ramona Steffen und Marc Hänggi

Fotos Unterwasser/Baum: Yves Portmann
Fotos Samichlaus: Diverse

[Zeige eine Slideshow]

1 2 3 ►